അറസ്റ്റിലായവരില്‍ ഒരാള്‍ പുറത്തുള്ളയാളാണ്. രണ്ട് വനിതകള്‍ ഉള്‍പ്പെടെ അഞ്ച് ജീവനക്കാരെ സസ്പെന്‍ഡ് ചെയ്തിട്ടുമുണ്ട്. സബ് രജിസ്ട്രാര്‍മാരായ കെ.ലതാകുമാര്‍, ബാലകൃഷ്ണന്‍, അറ്റന്‍ഡര്‍മാരായ മല്ലിക, അനില്‍ കുമാര്‍ ബിനു എന്നിവര്‍ക്കാണു സസ്പെന്‍ഷന്‍.
ഓഫീസില്‍ ചായ നല്‍കിയിരുന്ന വിഷ്ണു എന്നയാളാണു ഓഫീസിനു പുറത്തുനിന്നുള്ളയാള്‍. സബ് രജിസ്ട്രാര് ഓഫീസില്‍ ലഭിക്കുന്ന തുക ചെലാന്‍ വഴി എസ്.ബി.ടി യിലൂടെ വിഴിഞ്ഞം ട്രഷറി അക്കൌണ്ടിലായിരുന്നു അടച്ചിരുന്നത്. എന്നാല്‍ ഈ ചെലാനുകളില്‍ ചിലത് പണം അടയ്ക്കാതെ ബാങ്കിന്‍റെ വ്യാജ സീല്‍ ഉപയോഗിച്ച് സീല്‍ ചെയ്ത് രജിസ്ട്രാര്‍ക്ക് സമര്‍പ്പിച്ചായിരുന്നു തുകയില്‍ മറിമായം നടത്തിയത്.
