സംഘർഷത്തിടെ ബിജെപി പ്രവർത്തകൻ കുത്തേറ്റു മരിച്ചു; തൃശൂരിൽ ഇന്ന് ഹർത്താൽ
തൃശൂർ മുക്കാട്ടുകരയിൽ ക്ഷേത്രത്തിലെ ഉത്സവത്തിനിടെയുണ്ടായ സംഘർഷത്തിൽ ബിജെപി പ്രവർത്തകൻ കുത്തേറ്റു മരിച്ചു. മുക്കാട്ടുകര സ്വദേശി നിർമൽ ആണ് മരിച്ചത്. സംഭവത്തിൽ പ്രതിഷേധിച്ച് ഇന്ന് തൃശൂർ ജില്ലയിൽ ഹർത്താലിന് ബിജെപി ആഹ്വാനം ചെയ്തു.
ഞായറാഴ്ച രാത്രി കോകുളങ്ങര ക്ഷേത്രത്തിലെ ഉത്സവത്തിനിടെ ഉണ്ടായ സംഘർഷത്തിലാണ് നിർമലിന് കുത്തേറ്റത്. ഉടൻ തന്നെ നിർമലിനെ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിച്ചു. ആക്രമണത്തിന് പിന്നിൽ സിപിഎം പ്രവർത്തകരാണെന്ന് ബിജെപി ആരോപിച്ചു.
