ജിഷ്ണു പ്രണോയിയുടെ അമ്മാവന്‍ കെ കെ ശ്രീജിത്ത് പാര്‍ട്ടിപത്രത്തി നിന്ന് രാജിവെച്ചു. ഇമെയിലിലാണ് രാജിക്കത്ത് അയച്ചത്. പാര്‍ട്ടിയില്‍ നിന്ന് പുറത്താക്കിയ തീരുമാനത്തിന് പിന്നാലെയാണ് ഈ തീരുമാനം ഉണ്ടായത്. സര്‍ക്കാറിനും പാര്‍ട്ടിക്കും നാണക്കേടുണ്ടാക്കിയെന്ന് ആരോപിച്ചാണ് ശ്രീജിത്തിനെ പാര്‍ട്ടിയില്‍ നിന്ന് പുറത്താക്കിയത്. കോഴിക്കോട് വളയം വണ്ണാര്‍ക്കണ്ടി ബ്രാഞ്ച് കമ്മിറ്റിയുടെതായിരുന്നു ഈ തീരുമാനം.
ശ്രീജിത്തിനെ പുറത്താക്കി വണ്ണാര്‍കണ്ടി ബ്രാഞ്ച് കമ്മിറ്റി എടുത്ത തീരുമാനം വളയം ലോക്കല്‍ കമ്മിറ്റി അംഗീകരിക്കുകയായിരുന്നു. 1996 മുതല്‍ ബ്രാഞ്ച് അംഗമാണ് കെ കെ ശ്രീജിത്. ജിഷ്ണു കേസില്‍ ഡിജിപി ഓഫിസിന് മുന്നില്‍ നടത്തിയ സമരം സര്‍ക്കാരിന് തിരിച്ചടിയായ ഘട്ടത്തിലാണ് പാര്‍ട്ടിയുടെ ഈ നടപടി ഉണ്ടായത്. ദേശാഭിമാനി നാദാപുരം ലേഖകനായിരുന്ന ശ്രീജിത്ത് കുറെക്കാലമായി വടകര ബ്യൂറോയിലായിരുന്നു.
