നിയമസഭാ തെരഞ്ഞെടുപ്പിലേക്കുള്ള ആര്‍എസ്പി സ്ഥാനാര്‍ത്ഥികളെ പ്രഖ്യാപിച്ചു. ചവറയില്‍ ഷിബു ബേബി ജോണ്‍ മത്സരിക്കും. ഇരവിപുരത്ത് ബാബു ദിവാകരന്‍, കുന്നത്തൂര്‍ ഉല്ലാസ് കോവൂര്‍, ആറ്റിങ്ങള്‍ അഡ്വ എ ശ്രീധരന്‍ എന്നിവര്‍ സ്ഥാനാര്‍ത്ഥികളാവും.
അതേസമയം കഴിഞ്ഞ പ്രാവശ്യം മത്സരിച്ച അഞ്ചു സീറ്റിലും ആര്‍എസ്പി പരാജയപ്പെട്ടിരുന്നു. ഇത്തവണ കൂടുതല്‍ സീറ്റ് ആവശ്യപ്പെടുകയും ചെയ്തിരുന്നു. എന്നാല്‍ അത് യുഡിഎഫ് അംഗീകരിച്ചില്ല. കയ്പമംഗലത്തെ സ്ഥാനാര്‍ത്ഥിയെ പ്രഖ്യാപിക്കുന്നത് മാറ്റി വച്ചിരിക്കുകയാണ്.
