പത്താം ക്ലാസുകാരിയെ സ്കൂള്‍ വളപ്പില്‍ പീഡിപ്പിച്ച കേസുമായി ബന്ധപ്പെട്ട് രണ്ട് യുവാക്കളെ പൊലീസ് അറസ്റ്റ് ചെയ്തു. പറണ്ടോട് നിജി മന്‍സിലില്‍ ഫിറോസ് ഖാന്‍ (19), ആനപ്പെട്ടി ആനന്ദഭവനില്‍ ഫോഴ് ഖാന്‍ (19) എന്നിവരെയാണു പൊലീസ് പിടികൂടിയത്.
ശാരീരിക അവശത പ്രകടിപ്പിച്ച കുട്ടിയെ ചൈല്‍ഡ് വെല്‍ഫെയര്‍ കമ്മിറ്റി അംഗങ്ങള്‍ ചോദ്യം ചെയ്തപ്പോഴാണ് പീഡനവിവരം പുറത്തായത്. നെടുമങ്ങാട് ഡി.വൈ.എസ്.പി സെയ്ബുദ്ദീന്‍റെ നിര്‍ദ്ദേശ പ്രകാരം പാലോട് സി.ഐ ജയകുമാറിന്‍റെ നേതൃത്വത്തിലുള്ള പൊലീസ് സംഘമാണു പ്രതികളെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
