അയോഗ്യനാക്കിയ നടപടി: പി സി ജോര്‍ജിന്റെ ഹര്‍ജി ഇന്ന് പരിഗണിക്കും

സര്‍ക്കാര്‍ മുന്‍ ചീഫ് വിപ്പ് പി സി ജോര്‍ജ് സമര്‍പ്പിച്ച ഹര്‍ജി ഹൈക്കോടതി ഇന്ന് പരിഗണിക്കും. രാജി വെച്ച തന്നെ എം എല്‍ എ സ്ഥാനത്തു നിന്ന് അയോഗ്യനാക്കിയ സ്പീക്കറുടെ നടപടിക്കെതിരെ ആണ് പി സി ജോര്‍ജ് ഹൈക്കോടതിയെ സമീപിച്ചത്.

വ്യാഴാഴ്ച ഹര്‍ജി പരിഗണിച്ച ജസ്​റ്റിസ്​ എ മുഹമ്മദ് മുഷ്താഖ് എതിർ കക്ഷികളായ സ്​പീക്കർ എൻ  ശക്തൻ, ചീഫ് വിപ്പ് തോമസ്​ ഉണ്ണിയാടൻ എന്നിവർക്ക് പ്രത്യേക ദൂതൻ മുഖേന നോട്ടീസ്​ അയക്കാൻ ഉത്തരവിട്ടിരുന്നു.

എന്നാൽ, സ്​പീക്കർക്ക് നോട്ടീസ്​ നൽകുന്നതിലെ നിയമപ്രശ്നങ്ങൾ ഉയർന്നതിനെ തുടർന്ന് നോട്ടീസ്​ അയക്കാനുള്ള ഉത്തരവ് തൽക്കാലം തടഞ്ഞിരുന്നു. അഡ്വക്കറ്റ് ജനറലിന്റെ നിലപാടു കൂടി ആരാഞ്ഞശേഷം നടപടിയെടുക്കാൻ മാറ്റുകയും ചെയ്തു.

തുടർന്നാണ് കേസ്​ വെള്ളിയാഴ്ച വീണ്ടും പരിഗണിക്കാനായി മാറ്റിയത്.