വാസുപുരം കുറ്റിപ്പറമ്പില്‍ വീട്ടില്‍ ജനാര്‍ദ്ദനന്‍ എന്നയാളുടെ മകന്‍ സുരേഷ് ബാബു (48), ഭാര്യ കുമാരി (38), മകള്‍ ദൃശ്യ (15) എന്നിവരാണു ആത്മഹത്യ ചെയ്തത്. ഇവര്‍ക്കൊപ്പം ആത്മഹത്യയ്ക്ക് ശ്രമിച്ച മകന്‍ ആദര്‍ശ് (14) അത്യാസന്ന നിലയില്‍ സ്വകാര്യ ആശുപത്രിയിലാണ്‌.
സ്വകാര്യ ബസില്‍ ജോലി നോക്കിയിരുന്ന സുരേഷ് കുറഞ്ഞ പലിശയ്ക്ക് പണം കടം വാങ്ങി ഉയര്‍ന്ന നിരക്കില്‍ പണം മറിച്ചു കടം കൊടുക്കുന്ന ഏര്‍പ്പാടുണ്ടായിരുന്നു. എന്നാല്‍ അമിത പലിശയ്ക്ക് പണം കടം കൊടുക്കുന്നവരെ കുടുക്കാനുള്ള ഓപ്പറേഷന്‍ കുബേര വന്നപ്പോള്‍ കടം വാങ്ങിയവരൊന്നും പണം തിരിച്ചുകൊടുക്കാതായി. പണം ചോദിച്ചാല്‍ കുബേരയില്‍ കുടുക്കുമെന്ന ഭീഷണിയുമായി. ഇതിനെ തുടര്‍ന്ന് ഇവര്‍ക്ക് പണം കടം നല്‍കിയവര്‍ സമ്മര്‍ദ്ദം ചെലുത്തിയതോടെ കുടുംബ വീടും പുരയിടവും വില്‍ക്കാന്‍ തീരുമാനിച്ചു. എന്നാല്‍ ഈ തുക കൊണ്ടും കടം മുഴുവന്‍ വീട്ടില്ലെന്ന നില വന്നതോടെയാണ്‌ ഇവര്‍ ആത്മഹത്യ ചെയ്തതതെന്നാണു സൂചന. പൊലീസ് അന്വേഷണം ആരംഭിച്ചു.
