ഉമ്മന്‍ചാണ്ടിയടക്കമുള്ള 10 മുന്‍ മന്ത്രിമാര്‍ക്കെതിരെ വിജിലന്‍‌സ് അന്വേഷണം
യുഡിഎഫ് കാലത്തെ ബന്ധുനിയമനങ്ങളില്‍ പ്രാഥമിക അന്വേഷണം നടത്താന്‍ തിരുവനന്തപുരം വിജിലൻസ് കോടതി വിജിലൻസിനോട് നിർദ്ദേശിച്ചു. മുന്‍ മുഖ്യമന്ത്രി ഉമ്മന്‍ചാണ്ടിയടക്കം യുഡിഎഫിലെ 10 പേര്‍ക്കെതിരെയാണ് അന്വേഷണം.
ഉമ്മന്‍ ചാണ്ടിയെ കൂടാതെ വിഎസ്.ശിവകുമാർ, അനൂപ് ജേക്കബ് തുടങ്ങിയവർ അന്വേഷണ പരിധിയിൽ വരും. ഫെബ്രുവരി ആറിനകം പ്രാഥമിക റിപ്പോർട്ട് സമർപ്പിക്കാനാണ് കോടതിയുടെ ഉത്തരവ്.
യുഡിഎഫ് കാലത്ത് ബോര്‍ഡ് കോര്‍പ്പറേഷന്‍ സ്ഥാനങ്ങളില്‍ നടന്ന നിയമനങ്ങളാണ് അന്വേഷണ പരിധിയില്‍ വരുന്നത്.
