മുല്ലപ്പെരിയാര്‍ ജലനിരപ്പ് 136 അടിയായി താഴ്ത്തണമെന്ന കേരളത്തിന്റെ ആവശ്യം മേല്‍നോട്ടസമിതി യോഗം ഇന്നലെ വീണ്ടും തള്ളിയിരുന്നു. യോഗത്തില്‍ സമിതി ചെയര്‍മാന്‍ എല്‍ എ വി നാഥന്‍ തമിഴ്നാടിന് അനുകൂലമായ നിലപാടുകളാണ് സ്വീകരിച്ചത്. തമിഴ്നാടിന്റെ വാദങ്ങള്‍ പൂര്‍ണമായി അംഗീകരിച്ച ചെയര്‍മാന്‍ മുല്ലപ്പെരിയാര്‍ പ്രധാന അണക്കെട്ടും ബേബി ഡാമും സുരക്ഷിതമാണെന്നും അഭിപ്രായപ്പെട്ടു. ഇതില്‍ കേരളം കടുത്ത പ്രതിഷേധം പ്രകടിപ്പിച്ചിരുന്നു.
