നിലമ്പൂര്‍ സ്വദേശി കൂടിയായ സ്വരാജ് പാര്‍ട്ടി ചിഹ്നത്തില്‍ മത്സരിക്കുമ്പോള്‍ മണ്ഡലത്തിലെ ഇടതുപക്ഷ അനുയായികള്‍ വലിയ ആവേശത്തിലാണ്. സംസ്ഥാന സെക്രട്ടറിയേറ്റ് അംഗമായ സ്വരാജ് മണ്ഡലത്തില്‍ ഏറെ സ്വാധീനമുള്ള നേതാവ് കൂടിയാണ്. യുഡിഎഫിനെതിരെയും പി.വി.അന്‍വറിനെതിരെയുമുള്ള രാഷ്ട്രീയ പോരാട്ടമെന്ന നിലയിലാണ് സിപിഎം നിലമ്പൂര്‍ ഉപതിരഞ്ഞെടുപ്പിനെ കാണുന്നതെന്നാണ് സ്വരാജിനെ സ്ഥാനാര്‍ഥിയായി പ്രഖ്യാപിച്ചതില്‍ നിന്ന് വ്യക്തമാകുന്നത്.
