മുപ്പതുവയസിനു താഴെ പ്രായമുള്ള ആളാണ് ചാവേർ ആയതെന്നാണ് സൂചന. സംഭവം നടന്നയുടൻ പൊലീസും സുരക്ഷാവിഭാഗവും പള്ളിയും പരിസരപ്രദേശങ്ങളും വലയത്തിലാക്കി. അമീർ ഷെയ്ഖ് സബാഹ് അൽ അഹമ്മദ് അൽ ജാബർ അൽ സബാഹ് സംഭവസ്ഥലം നേരിട്ട് സ്ഥലം സന്ദർശിച്ചു. മൃതദേഹങ്ങളും പരിക്കേറ്റവരെയും പ്രവേശിപ്പിക്കപ്പെട്ട ആശുപത്രികളിൽ അടിയന്തരാവസ്ഥ ഏർപ്പെടുത്തിയാണ് അധികൃതർ സാഹചര്യങ്ങളെ നേരിട്ടത്. പള്ളിയോട് ചേർന്നുള്ള മേഖലയിൽ കൂട്ടംകൂടി നിൽക്കുന്നതും മാർഗതടസങ്ങൾ ഉണ്ടാക്കുന്നതും ഒഴിവാക്കാൻ പൊലീസ് ജനങ്ങളോട് അഭ്യർഥിച്ചു.
