രാഷ്ട്രീയ പരിപാടികളിലെല്ലാം പിണറായിക്കൊപ്പം തോളോട് തോള്‍ ചേര്‍ന്ന് നടന്ന പതിവാണ് കോടിയേരിക്കുള്ളത്. പ്രത്യേകിച്ച് കണ്ണൂരില്‍ പാര്‍ട്ടി പരിപാടി നടക്കുമ്പോള്‍. ഇത്തവണ കോടിയേരിയുടെ ജീവനറ്റ ശരീരം ആംബലന്‍സിലായിരുന്നു. തൊട്ടുപിന്നില്‍ പിണറായി നടക്കുന്നുണ്ട് നിശബ്ദനായി. കോടിയേരിക്കൊപ്പമുള്ള രാഷ്ട്രീയ ജീവിതവും സൗഹൃദവും അലയടിച്ചിട്ടുണ്ടാകാം. സിപിഎം കണ്ണൂര്‍ ജില്ലാ കമ്മിറ്റി ഓഫീസ് മുതല്‍ പയ്യാമ്പലം വരെ വിലാപയാത്രയില്‍ കാല്‍നടയായി പിണറായി പങ്കെടുത്തു.
