ഗന്ധര്‍വ്വനാണെന്ന് പറഞ്ഞ് സുഹൃത്തിന്റെ അമ്മയെ നിരവധി തവണ ബലാത്സംഗം ചെയ്ത കട്ടപ്പന നിതീഷിനെതിരെ വീണ്ടും കേസ്. ഇടുക്കി കട്ടപ്പന ഇരട്ടക്കൊല കേസിലെ മുഖ്യപ്രതിയാണ് നിധീഷ്. ഗന്ധര്‍വ്വന്‍ ചെയ്യുന്നതാണെന്ന് വിശ്വസിപ്പിച്ചായിരുന്നു ബലാത്സംഗം നടത്തിയത്. 2016 മുതല്‍ നിരവധിതവണ ബലാത്സംഗം ചെയ്തുവെന്നാണ് പോലീസിന് ലഭിച്ച വിവരം. കൊലപാതകേസിലെ പ്രതിയായ നിതീഷിനെ കസ്റ്റഡിയിലെടുത്ത് ചോദ്യം ചെയ്തപ്പോഴാണ് ബലാത്സംഗ വിവരവും പുറത്തുവന്നത്. പൂജയുടെ ഭാഗമായാണ് താന്‍ ഗന്ധര്‍വ്വന്‍ ആണെന്ന് പറഞ്ഞു സുഹൃത്തിന്റെ മാതാവിനെ ബലാത്സംഗം ചെയ്തത്.
