പത്തനംതിട്ട പറക്കോണം സ്വദേശിയുടെ പരാതിയിലാണ് പോലീസ് അന്വേഷണം നടത്തി പ്രതിയെ പിടികൂടിയത്. താൻ ഹൈക്കോടതിയിൽ സ്റ്റെനോ ആണെന്നും അവിടെ തന്റെ സ്വാധീനം ഉപയോഗിച്ച് ഓഫീസ് അസിസ്റ്റന്റ്റ് ആയി ജോലി തരപ്പെടുത്താമെന്നും വിശ്വസിപ്പിച്ചാണ്‌ പണം തട്ടിയത്. ഇത് വിശ്വസിച്ചു യുവാവ് ആദ്യം 9000 രൂപയും പിന്നീട് 345250 രൂപയും നൽകി. പിന്നീടും ഒരു ലക്ഷം രൂപ നേരിട്ടും നൽകി.
ഇത് കൂടാതെ യുവാവിന്റെ സഹോദരങ്ങൾ, സുഹൃത്ത് എന്നിവർക്ക് ഡ്രൈവർ തസ്തികയിൽ ജോലി തരപ്പെടുത്താം എന്ന് പറഞ്ഞു ഒന്നര ലക്ഷം രൂപയും തട്ടിയെടുത്തു. തുടർന്ന് യുവാവിന് വ്യാജ നിയമന ഉത്തരവുകൾ വാട്ട്സ്ആപ്പ് വഴി അയച്ചുകൊടുത്തു. എന്നാൽ യുവാവ് ഇതിൽ സംശയിച്ചതോടെ യുവാവിന് യുവതി 6 ലക്ഷം രൂപയുടെ വണ്ടിച്ചെക്ക് നൽകി.
