വി ടി ബല്‍‌റാമിനെതിരെ മുഖ്യമന്ത്രിയുടെ പ്രൈവറ്റ് സെക്രട്ടറി എംവി ജയരാജൻ. ചരിത്രത്തെ വളച്ചൊടിച്ച്‌, കോൺഗ്രസ്സിന്റെ സമകാലിക അവസ്ഥ കാണാതെ എത്ര കാലം ബൽറാമിന് പോസ്റ്റിട്ട്‌ നടക്കാന്‍ കഴിയുമെന്നാണ് ജയരാജന്‍ ചോദിക്കുന്നത്. എകെജിയെ അപമാനിക്കുന്ന ബൽറാം, നെഹ്‌റുവിനെയും അപമാനിക്കുകയാണ്. പാർലമെന്റിൽ എ.കെ.ജി. നടത്തിയ പ്രസംഗങ്ങളെക്കുറിച്ച് ബൽറാമിന്റെ നേതാവായ നെഹ്‌റു അഭിപ്രായപ്പെട്ടതെന്താണെന്ന് ബല്‍‌റാമിന് അറിയില്ലെന്നും ജയരാജന്‍ തന്റെ ഫേസ്ബുക്ക് പോസ്റ്റിലൂടെ പറയുന്നു.
