ജയില്‍ ഉദ്യോഗസ്ഥരുടെ മര്യാദക്കാരിയാണ് സ്വപ്ന ഇപ്പോള്‍. സഹതടവുകാരോടൊന്നും സ്വപ്ന മിണ്ടാറില്ലെന്നും പറയുന്നു. ആഴ്ചയില്‍ ഒരിക്കല്‍ ഉദ്യോഗസ്ഥരുടെ സാനിധ്യത്തില്‍ സ്വപ്‌നയ്ക്ക് അഭിഭാഷകനെ കാണാനുള്ള സൗകര്യമുണ്ട്. അന്തേവാസികള്‍ക്ക് കുറച്ച് സമയം ടിവി കാണാനുള്ള അനുമതിയുണ്ടെങ്കിലും സ്വപ്ന ആ ഭാഗത്തേക്ക് പോകാറില്ല. എന്നാല്‍ രാവിലെ വരുന്ന പത്രങ്ങളും ആനുകാലികങ്ങളും വായിക്കും. ആദ്യം കുറച്ച് മാനസിക സമ്മര്‍ദ്ദത്തിലായിരുന്നെങ്കിലും ഇപ്പോള്‍ സ്വപ്ന ജയിലുമായി പൊരുത്തപ്പെട്ടു കഴിഞ്ഞു.
