ബന്ധുനിയമന വിവാദത്തില്‍ മന്ത്രി ഇ പി ജയരാജന്റെ രാജിക്ക് പാര്‍ട്ടിയില്‍ സമ്മര്‍ദ്ദം. ഇക്കാര്യം വെള്ളിയാഴ്ച ചേരുന്ന സി പി എം സംസ്ഥാന സെക്രട്ടേറിയറ്റ് ചര്‍ച്ച ചെയ്യും. സെക്രട്ടേറിയറ്റിനു മുന്നോടിയായുള്ള അനൌദ്യോഗിക ചര്‍ച്ചകള്‍ വ്യാഴാഴ്ച നടക്കും. കഴിഞ്ഞദിവസം ഇക്കാര്യത്തില്‍ മണിക്കൂറുകള്‍ നീണ്ട ചര്‍ച്ചയായിരുന്നു എ കെ ജി സെന്ററില്‍ നടന്നത്.
അതേസമയം, ജയരാജനെതിരെ വിജിലന്‍സ് ത്വരിതപരിശോധന നടത്തുന്ന കാര്യത്തില്‍ വ്യാഴാഴ്ച തീരുമാനമുണ്ടാകും. നിയമോപദേശം ലഭിച്ചാല്‍ വിജിലന്‍സ് ഡയറക്‌ടര്‍ ജേക്കബ് തോമസ് അന്വേഷണത്തിന് ഉത്തരവിടുമെന്നാണ് റിപ്പോര്‍ട്ടുകള്‍.
