ദുരന്തത്തില്‍ കേരളം കാണിച്ച ഐക്യം രാജ്യത്തിന് മാതൃകയാണെന്ന് ഡോക്ടര്‍ കഫീല്‍ ഖാന്‍. വയനാട്ടിലെ ക്യാമ്പുകളില്‍ കഴിയുന്നവരെ സഹായിക്കാന്‍ തയ്യാറാണെന്നും വയനാടിന്റെ അതിജീവനത്തിന് ഒപ്പം ഉണ്ടാകുമെന്നും കഫീല്‍ ഖാന്‍ പറഞ്ഞു. ദുരന്തത്തില്‍ ക്യാമ്പുകളില്‍ കഴിയുന്നവരെ കാണാനായി വയനാട്ടില്‍ എത്തിയപ്പോഴാണ് അദ്ദേഹം ഇക്കാര്യം പറഞ്ഞത്. വയനാട്ടിലെത്തിയ അദ്ദേഹം മന്ത്രി മുഹമ്മദ് റിയാസുമായി കൂടിക്കാഴ്ച നടത്തി. കുട്ടികളുടെ മാനസികാരോഗ്യവുമായി ബന്ധപ്പെട്ട കാര്യങ്ങളില്‍ കൗണ്‍സിലിംഗ് സഹായം ഉള്‍പ്പെടെയുള്ളവ നല്‍കാനാണ് ഡോക്ടര്‍ കഫീല്‍ ഖാന്‍ സന്നദ്ധത അറിയിച്ചത്.
