കോണ്‍ഗ്രസ് നേതാക്കള്‍ പാസ്റ്റര്‍മാരുമായി തലസ്ഥാനത്ത് കൂടിക്കാഴ്ച നടത്തി. കെ പി സി സി അധ്യക്ഷന്‍ വി എം സുധീരന്‍, ആഭ്യന്തരമന്ത്രി രമേശ് ചെന്നിത്തല, ആദോഗ്യമന്ത്രി വി എസ് ശിവകുമാര്‍ എന്നിവരാണ് പാസ്റ്റര്‍മാരുമായി കൂടിക്കാഴ്ച നടത്തിയത്.
അതേസമയം, കൂടിക്കാഴ്ച സംബന്ധിച്ച ചോദ്യങ്ങള്‍ക്ക് വ്യക്തമായ ഉത്തരം നല്കാന്‍ പാസ്റ്റര്‍മാര്‍ കൂട്ടാക്കിയില്ല. അരുവിക്കര ഉപതെരഞ്ഞെടുപ്പിന്റെ പശ്ചാത്തലത്തിലാണ് രഹസ്യ കൂടിക്കാഴ്ച നടത്തിയതെന്നാണ് അനൌദ്യോഗിക റിപ്പോര്‍ട്ടുകള്‍.
