ചലച്ചിത്രമേളയുടെ നടത്തിപ്പില്‍ ഇടപെടലുകള്‍ ഉണ്ടായതാണ് ബീനാപോള്‍ സ്ഥാനം ഒഴിയാന്‍ കാരണം. കഴിഞ്ഞ പന്ത്രണ്ട് വര്‍ഷമായി ചലച്ചിത്രമേളയുടെ ഡയറക്ടറായിരുന്ന ബീനാപോള്‍, അക്കാദമിയുമായുള്ള അഭിപ്രായ ഭിന്നതകളെ തുടര്‍ന്നാണ് താന്‍ സ്ഥാനമൊഴിയുന്നതെന്നും തനിക്ക് യാതൊരു പ്രവര്‍ത്തന സ്വാതന്ത്ര്യവും ഉണ്ടായിരുന്നില്ലെന്നും ബീനാപോള്‍ രാജികത്തില്‍ പറയുന്നു.
തന്റെ മാതൃസ്ഥാനമായ സിഡിറ്റിലേക്ക് തിരിച്ചു പോകാനാണ് ബീനാ പോളിന്റെ തീരുമാനം. എന്നാല്‍ ആരോപണങ്ങളില്‍ വിശദീകരണം നല്‍കാന്‍ ചലച്ചിത്ര അക്കാദമി ഇതുവരെ തയ്യാറായിട്ടില്ല. ബീനാപോള്‍ കാഴ്ചവച്ചത് മികച്ച പ്രവര്‍ത്തനങ്ങളായിരുന്നുവെന്നും ഇനിയും സ്ഥാനത്തു തുടരാമെന്നുമായിരുന്നു അക്കാദമിയുടെ പ്രതികരണം. ഒരു സ്വകാര്യ സിനിമ പഠനകേന്ദ്രത്തിന്റെ ചുമതല ബീനാ പോള്‍ ഏറ്റെടുക്കുമെന്നും വാര്‍ത്തകളുണ്ട്.
