അച്ചു എന്ന രാജേഷ് ഡിസൂസയെ ബദിയടുക്ക പോലീസ് അറസ്‌റ് ചെയ്തു. കഴിഞ്ഞ ദിവസം രാത്രിയാണ് സംഭവം. തോമസ് മദ്യ ലഹരിയില്‍ മാതാവിനെ ഉപദ്രവിക്കുന്നു എന്ന് രാജേഷ് വിളിച്ചുപറഞ്ഞത് അനുസരിച്ചു മറ്റു സഹോദരങ്ങളായ വില്‍ഫ്രഡ്, വിന്‍സന്റ് എന്നിവര്‍ എത്തിയപ്പോള്‍ അവരെ വാക്കത്തി, വടി എന്നിവകൊണ്ട് തോമസ് ആക്രമിച്ചു. എന്നാല്‍ ഇതില്‍ ദേഷ്യം വന്ന രാജേഷ് വാക്കത്തി പിടിച്ചുവാങ്ങി തോമസിനെ വെട്ടുകയായിരുന്നു.
വെട്ടേറ്റ് വീട്ടിനുള്ളില്‍ തോമസ് കിടക്കുന്ന വിവരം പോലീസ് അറിഞ്ഞു എത്തിയപ്പോഴേക്കും മരിച്ചിരുന്നു. തോമസിന്റെ ആക്രമണത്തില്‍ വില്‍ഫ്രഡിന് ഗുരുതരമായി പരുക്കേറ്റ പരിയാരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. മറ്റൊരു സഹോദരന്‍ വിന്‌സന്റിനെയും പരുക്കുകളോടെ ആശുപത്രിയില്‍ പ്രവേശിപ്പിച്ചു. മരിച്ച തോമസിന് മത്തായി ഡിസൂസ, അഗ്‌നേഷ് ഡിസൂസ എന്നീ സഹോദരങ്ങളെ കൂടാതെ മൂന്നു സഹോദരിമാരുമുണ്ട്.
