യൂത്ത് ലീഗ് പ്രവര്‍ത്തകന്‍ കാളിയപറമ്പത്ത് അസ്ലം വധക്കേസിലെ മുഖ്യപ്രതി അറസ്റ്റില്‍. സിപിഎം പ്രവര്‍ത്തകനും വെള്ളൂര്‍ കോടഞ്ചേരി കരുവിന്റവിട രമീഷി(26)നെയാണ് കുറ്റ്യാടി സിഐ സജീവന്‍ അറസ്റ്റ് ചെയ്തത്. കൊലപാതകം ആസൂത്രണം ചെയ്തതും അസ്ലമിനെ പിന്തുടര്‍ന്നു കൊലയാളികള്‍ക്കു വിവരം നല്‍കിയതും രമീഷാണെന്നും പൊലീസ് പറഞ്ഞു. ഇയാളെ കോടതിയില്‍ ഹാജരാക്കി.
കേസില്‍ സിപിഎം പ്രവര്‍ത്തകനും വളയം നിരവുമ്മല്‍ സ്വദേശി കക്കുഴിയുളള പറമ്പത്ത് കുട്ടു എന്ന നിധിനെ അന്വേഷണ സംഘം കഴിഞ്ഞ ദിവസം അറസ്റ്റ് ചെയ്തിരുന്നു. കൊലയാളികള്‍ ആവശ്യപ്പെട്ട പ്രകാരം കൊലപാതകത്തിന് ഇന്നോവ കാര്‍ സംഘടിപ്പിച്ച് നല്‍കി കൊലപാതകത്തിന് അറിഞ്ഞു കൊണ്ട് കൂട്ടുനിന്നതിനുമാണ് നിധിനെ പൊലീസ് അറസ്റ്റ് ചെയ്തത്.
