സംസ്ഥാനത്തൊട്ടാകെ കഴിഞ്ഞ ദിവസം പൊലീസ് നടത്തിയ വ്യാപക റെയ്ഡില്‍ 290 പേരെ അറസ്റ്റ് ചെയ്തു. ഗുണ്ടാ മാഫിയാ സംഘങ്ങളെ അമര്‍ച്ച ചെയ്യുക എന്ന ഉദ്ദേശത്തോടെ നടത്തിയ ഈ റെയ്ഡില്‍ തിരുവനന്തപുരം റേഞ്ചില്‍ 195 പേരാണു കുടുങ്ങിയത്.
കൊച്ചി റേഞ്ചില്‍ 25 പേരും തൃശൂര്‍ റേഞ്ചില്‍ 37 പേരും കുടുങ്ങിയപ്പോള്‍ കണ്ണൂര്‍ റേഞ്ചില്‍ 33 പേര്‍ വലയിലായി. കൊല്ലം സിറ്റിയില്‍ 25 പേരും കൊല്ലം റൂറലില്‍ 13 പേരും ആലപ്പുഴയില്‍ 7 പേരും കോഴിക്കോട് സിറ്റിയില്‍ 6 പേരും മലപ്പുറത്ത് 12 പേരും കുടുങ്ങി.
വരും ദിവസങ്ങളിലും ഇത്തരം റെയ്ഡുകള്‍ തുടരുമെന്ന് സംസ്ഥാന പൊലീസ് മേധാവി അറിയിച്ചു.
