പതിമൂന്നുകാരിയായ വിദ്യാര്‍ത്ഥിനിയെ കടത്തിക്കൊണ്ടുപോയി പീഡിപ്പിച്ചയാളെ പൊലീസ് അറസ്റ്റ് ചെയ്തു. കൊല്ലം മുഖത്തല ഇ.എസ്.ഐ റോഡില്‍ വാടകയ്ക്ക് താമസിക്കുന്ന കോതമംഗലം അമ്പലപ്പറമ്പ് അത്തിപ്പള്ളി വീട്ടിലെ അച്ചു എന്ന അയ്യപ്പദാസ് (24) ആണ് പൊലീസ് വലയിലായത്.
പാരിപ്പള്ളി കൊടിമൂട്ടില്‍ ഭഗവതി ക്ഷേത്രത്തിനു പിറകുവശത്തെ വാടക വീട്ടില്‍ വച്ചാണ് അയ്യപ്പദാസ് കുട്ടിയെ പീഡിപ്പിച്ചത്. വ്യാഴാഴ്ച വൈകിട്ട് നാലുമണിക്ക് പാരിപ്പള്ളി ബസ് സ്റ്റോപ്പില്‍ നിന്നാണു പ്രതിയെ അറസ്റ്റ് ചെയ്തത്.
വര്‍ക്കല സി.ഐ ബി.വിനോദ് കുമാര്‍, അയിരൂര്‍ എസ്.ഐ ദീപു എന്നിവരുടെ നേതൃത്വത്തിലുള്ള പൊലീസ് സംഘമാണ് പ്രതിയെ അറസ്റ്റ് ചെയ്തത്.
