സുരേഷ് ഗോപിക്ക് രാജ്യസഭാംഗത്വം ലഭിച്ചതില്‍ സന്തോഷിക്കുന്നുവെന്ന് മുകേഷ്

സുരേഷ് ഗോപി രാജ്യസഭാംഗം ആയതിൽ സന്തോഷിക്കുന്നുവെന്ന് കൊല്ലം മണ്ഡലത്തിലെ സി പി എം സ്ഥാനാർത്ഥിയും നടനുമായ മുകേഷ്. സുരേഷ് ഗോപിക്ക് അദ്ദേഹത്തിന്റേതായ രാഷ്ട്രീയമുണ്ട്. എന്നാല്‍ രാഷ്ട്രപതി ഇത്തരത്തിലൊരു നിയമനം നൽകിയത് അനുമോദിക്കേണ്ട കാര്യം തന്നെയാണ്. 

ഇത്തരം സന്ദർഭങ്ങളിൽ താൻ രാഷ്ട്രീയം മാറ്റിവയ്ക്കും. 

സ്കൂളിലും കൊളേജിലും സഹപാഠിയായിരുന്ന സുരേഷ് ഗോപിക്ക് ലഭിച്ച സ്ഥാനത്തില്‍ സന്തോഷിക്കുന്നുവെന്നും മുകേഷ് പറഞ്ഞു.

അതേസമയം, അമിതാബ് ബച്ചന് വിദേശത്ത് കള്ളപ്പണ നിക്ഷേപമുണ്ടെന്ന് വിശ്വസിക്കുന്നില്ല. കലാകാരന് കള്ളത്തരം കാണിക്കാനാകില്ലെന്നും പ്രസ് ക്ലബിന്റെ ജനസഭയിൽ സംസാരിക്കവേ മുകേഷ് പറഞ്ഞു.

ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം