കിലിയന്‍ മെര്‍ഫി മികച്ച നടന്‍, നടി എമ്മ സ്റ്റോണ്‍. 96 മത് ഓസ്‌കാര്‍ പുരസ്‌കാര പ്രഖ്യാപനത്തില്‍ മികച്ച പ്രകടനം കാഴ്ചവച്ചിരിക്കുകയാണ് ക്രിസ്റ്റഫര്‍ നോളന്‍ ചിത്രം ഓപ്പണ്‍ഹൈമര്‍. മികച്ച ചിത്രം, മികച്ച സംവിധായകന്‍, മികച്ച നടന്‍ എന്നിവ ഉള്‍പ്പെടെ ഏഴു പുരസ്‌കാരങ്ങളാണ് ചിത്രം നേടിയത്. ഇതേ ചിത്രത്തില്‍ സഹനടനുള്ള പുരസ്‌കാരം റോബര്‍ട്ട് ഡൗണിക്ക് ലഭിച്ചു. മികച്ച പശ്ചാത്തല സംഗീതം, മികച്ച ക്യാമറ, മികച്ച ചിത്രസംയോജനം എന്നിവയും ചിത്രം സ്വന്തമാക്കി. ആദ്യമായാണ് മികച്ച സംവിധായകനുള്ള പുരസ്‌കാരം നോളന്‍ സ്വന്തമാക്കുന്നത്.
