Side effects of Spinach: ഒട്ടേറെ ആരോഗ്യ ഗുണങ്ങള്‍ ഉള്ള ഇലക്കറികള്‍ ആഴ്ചയില്‍ ഒരിക്കലെങ്കിലും കഴിക്കണം. ചീരയാണ് ഇലക്കറികളില്‍ കേമന്‍. കലോറി കുറഞ്ഞതും ധാതുക്കള്‍ ധാരാളം അടങ്ങിയതുമായ ചീര ആരോഗ്യത്തിനു നല്ലതാണ്. കാല്‍സ്യം, മഗ്‌നീഷ്യം, അയേണ്‍, വിറ്റാമിന്‍ എ, വിറ്റാമിന്‍ സി എന്നിവ ചീരയില്‍ അടങ്ങിയിട്ടുണ്ട്. തടി കുറയാനും രക്തത്തില്‍ ഹിമോഗ്ലോബിന്റെ അളവ് വര്‍ധിപ്പിക്കാനും ചീര സഹായിക്കും. ചീരയില്‍ ഗ്ലൈസമിക് ഇന്‍ഡക്സ് കുറവായതിനാല്‍ പ്രമേഹ രോഗികള്‍ക്ക് ധൈര്യമായി കഴിക്കാം.
