ശുചിത്വമില്ലാത്ത ടോയ്‌ലറ്റുകള്‍ ഒട്ടേറെ അസുഖങ്ങള്‍ക്ക് കാരണമാകുമെന്ന് അറിയാമല്ലോ? ഉപയോഗത്തിനു ശേഷം ടോയ്‌ലറ്റ് ലിഡ് അടയ്ക്കാന്‍ മറക്കരുത്. മാത്രമല്ല ടോയ്‌ലറ്റ് ലിഡ് അടച്ച ശേഷം ഫ്‌ളഷ് ചെയ്യുന്നതാണ് കൂടുതല്‍ നല്ലത്. ടോയ്‌ലറ്റ് ലിഡ് തുറന്നുവെച്ച് ഫ്‌ളഷ് ചെയ്യുമ്പോള്‍ അണുക്കള്‍ പുറത്തേക്ക് പടരാന്‍ സാധ്യത കൂടുതലാണ്. ടോയ്‌ലറ്റില്‍ നിന്നു പുറത്തേക്ക് വരുന്ന ഒരു തുള്ളി വെള്ളത്തില്‍ പോലും ബാക്ടീരിയയുടെ സാന്നിധ്യമുണ്ടാകും. ബാക്ടീരിയകള്‍ക്കും വൈറസുകള്‍ക്കും ആറ് അടി ഉയരത്തില്‍ വായുവില്‍ പടരാന്‍ സാധിക്കും. ഫ്‌ളഷിങ് പൂര്‍ണമായ ശേഷം പിന്നീട് തുറന്നുനോക്കി പരിശോധിക്കാവുന്നതാണ്.
