ഇതിഹാസമേ വേഗം തിരിച്ചുവരൂ...! പ്രീ ക്വാര്‍ട്ടര്‍ വിജയം പെലെയ്ക്ക് സമര്‍പ്പിച്ച് ബ്രസീല്‍ (വീഡിയോ)
ചൊവ്വ, 6 ഡിസം‌ബര്‍ 2022 (11:53 IST)
ഇതിഹാസ താരം പെലെയുടെ തിരിച്ചുവരവിനായി പ്രാര്‍ത്ഥിച്ച് ബ്രസീല്‍ ടീം. ഖത്തര്‍ ലോകകപ്പിന്റെ പ്രീ ക്വാര്‍ട്ടറില്‍ ദക്ഷിണ കൊറിയയ്‌ക്കെതിരെ നേടിയ ജയം ബ്രസീല്‍ ടീം പെലെയ്ക്ക് സമര്‍പ്പിച്ചു. ആരോഗ്യാവസ്ഥ മോശമായതിനെ തുടര്‍ന്ന് ഗുരുതരാവസ്ഥയിലാണ് പെലെ ഇപ്പോള്‍.
മത്സരശേഷം പെലെയുടെ ചിത്രം ആലേഖനം ചെയ്ത പോസ്റ്ററുമായി ബ്രസീല്‍ താരങ്ങള്‍ ഫോട്ടോയ്ക്ക് പോസ് ചെയ്തു. ഈ വിജയം പെലെയ്ക്ക് വേണ്ടി സമര്‍പ്പിക്കുകയാണെന്ന് ബ്രസീല്‍ താരങ്ങള്‍ തങ്ങളുടെ പ്രവൃത്തിയിലൂടെ പരസ്യമാക്കി.
