മഞ്ജുവാര്യരുടെ ഏറ്റവും പുതിയ ചിത്രമാണ് ആയിഷ. മാര്‍ച്ച് 10ന് സിനിമയുടെ ആദ്യ ഷെഡ്യൂള്‍ യുഎഇയില്‍ പൂര്‍ത്തിയായി. 40 ദിവസത്തെ ഷൂട്ടിന് ശേഷമാണ് ടീം ഇന്ത്യയിലേക്ക് തിരിച്ചെത്തിയത്. ഇപ്പോഴിതാ സിനിമയുടെ ചിത്രീകരണം പൂര്‍ത്തിയാക്കിയ വിവരം സംവിധായകന്‍ ആമിര്‍ പള്ളിക്കല്‍ ആണ് അറിയിച്ചത്. 50 ദിവസം കൊണ്ടാണ് മുഴുവന്‍ സിനിമയ്ക്കും വേണ്ട ഭാഗങ്ങള്‍ അണിയറപ്രവര്‍ത്തകര്‍ ചിത്രീകരിച്ചത്.
മലയാളത്തിനും അറബിക്കിനും തമിഴ്, തെലുങ്ക്, ഹിന്ദി, കന്നഡ, തുടങ്ങിയ ഇന്ത്യന്‍ ഭാഷാ പതിപ്പുകളിലും ചിത്രം എത്തുന്നു.
