പ്രിയദര്‍ശന്‍-മോഹന്‍ലാല്‍ കൂട്ടുകെട്ടില്‍ പിറന്ന ബിഗ് ബജറ്റ് ചിത്രം മരക്കാര്‍ അറബിക്കടലിന്റെ സിംഹവും ദുല്‍ഖര്‍ സല്‍മാന്റെ സൂപ്പര്‍ഹിറ്റ് ചിത്രം കുറുപ്പും ഒ.ടി.ടി. പ്ലാറ്റ്‌ഫോമിലേക്ക്. ഡിസംബര് 17 ന് രണ്ട് സിനിമകളും ഒ.ടി.ടി.യില്‍ റിലീസ് ചെയ്യും. ആമസോണ്‍ ഹെല്‍പ്പ് എന്ന ഫെയ്സ്ബുക്ക് ഹാന്‍ഡിലൂടെയാണ് മരക്കാര്‍ ഒ.ടി.ടി.യില്‍ റിലീസ് ചെയ്യുന്ന കാര്യം അറിയിച്ചത്. ആമസോണ്‍ പ്രൈമിലാണ് മരക്കാര്‍ എത്തുക. ഡിസംബര് രണ്ടിന് തിയറ്ററുകളില്‍ റിലീസ് ചെയ്ത മരക്കാര്‍ 16-ാം ദിവസമാണ് ഒ.ടി.ടി.യില്‍ എത്തുന്നത്.
