മമ്മൂട്ടിയുടെ തെലുങ്ക് ചിത്രമായ യാത്ര ഫെബ്രുവരിയിൽ പ്രേക്ഷകരിലേക്ക് എത്തും. ചിത്രത്തില്‍ മമ്മൂക്കയുടെ മകനായി സൂര്യ, കാര്‍ത്തി, വിജയ് ദേവരകൊണ്ട തുടങ്ങിയ താരങ്ങളുടെ പേരുകള്‍ പറഞ്ഞുകേട്ടിരുന്നു. വൈഎസ് രാജശേഖര റെഡ്ഡിയുടെ മകന്‍ വൈഎസ് ജഗന്റെ റോളിലേക്കായിരുന്നു സൂപ്പര്‍ താരങ്ങളെ പരിഗണിച്ചിരുന്നത്.
എന്നാല്‍ പിന്നീട് ഈ കഥാപാത്രത്തെ ചിത്രത്തിള്‍ ഉള്‍പ്പെടുത്തുന്നില്ല എന്ന തരത്തിലും റിപ്പോര്‍ട്ടുകള്‍ വന്നു. ഇപ്പോഴിതാ ആ കഥാപാത്രം സിനിമയിലുണ്ടാകുമെന്ന് റിപ്പോര്‍ട്ടുകള്‍ വന്നിരിക്കുകയാണ്. വൈഎസ്‌ആറിന്റെ മകന്റെ വേഷത്തില്‍ ജഗന്‍ തന്നെ എത്തുമെന്നാണ് അറിയുന്നത്. രാഷ്ട്രീയത്തില്‍ സജീവമായ ജഗന്‍ ആദ്യമായിട്ടാണ് ഒരു സിനിമയില്‍ അഭിനയിക്കുന്നത്.
