ഉദയ്കൃഷ്ണയുടെ തിരക്കഥയില്‍ അജയ് വാസുദേവ് സംവിധാനം ചെയ്ത ‘മാസ്റ്റര്‍ പീസ്’ മമ്മൂട്ടി ആരാധകര്‍ കണ്ണിലെണ്ണയൊഴിച്ച് കാത്തിരിക്കുന്ന ചിത്രമാണ്. പുലിമുരുകന് ശേഷം ഉദയ്കൃഷ്ണ എഴുതിയ തിരക്കഥ എന്നതുതന്നെയാണ് മാസ്റ്റര്‍ പീസിന്‍റെ ഹൈലൈറ്റ്. മമ്മൂട്ടിയുടെ കരിയറിലെ തന്നെ ഏറ്റവും വലിയ റിലീസ് ആയിരിക്കും മാസ്റ്റര്‍ പീസ്.
അതേസമയം, രണ്ട് മമ്മൂട്ടിച്ചിത്രങ്ങളോട് എതിരിടാന്‍ മോഹന്‍ലാല്‍ ഒരു സിനിമ മാത്രമാണ് കാത്തുവച്ചിട്ടുള്ളത്. ബി ഉണ്ണികൃഷ്ണന്‍ സംവിധാനം ചെയ്ത ബിഗ് ബജറ്റ് സിനിമ ‘വില്ലന്‍’. വിശാല്‍, മഞ്ജു വാര്യര്‍, ഹന്‍സിക മൊട്‌വാണി, ശ്രീകാന്ത് അങ്ങനെ വമ്പന്‍ താരനിരയാണ് ഈ ആക്ഷന്‍ ത്രില്ലറിന്‍റെ പ്രത്യേകത. 8കെ റെസല്യൂഷനിലാണ് വില്ലന്‍ ചിത്രീകരിച്ചിരിക്കുന്നത്.
