ഷാരൂഖ്, മമ്മൂട്ടി, മോഹന്‍ലാല്‍ എന്നിവര്‍ക്കൊപ്പം അഭിനയിച്ച ഈ താരത്തെ മനസിലായോ? ദേശീയ അവാര്‍ഡ് ജേതാവാണ്
താരങ്ങളുടെ പഴയ ചിത്രങ്ങള്‍ സാമൂഹ്യമാധ്യമങ്ങളില്‍ വൈറലാകാറുണ്ട്. അങ്ങനെയൊരു ചിത്രമാണ് ഒരു പ്രമുഖ താരത്തിന്റെ ജന്മദിനത്തില്‍ സോഷ്യല്‍ മീഡിയ ആഘോഷിക്കുന്നത്. മറ്റാരുമല്ല ഷാരൂഖ്, മമ്മൂട്ടി, മോഹന്‍ലാല്‍ തുടങ്ങി സൂപ്പര്‍ താരങ്ങള്‍ക്കൊപ്പമെല്ലാം അഭിനയിച്ച നടി പ്രിയാമണിയുടെ കുട്ടികാല ചിത്രമാണിത്. അമ്മയുടെ മടിയില്‍ ചിരിച്ചുകൊണ്ടിരിക്കുന്ന ഈ കുട്ടിയാണ് പ്രിയാമണി. താരത്തിന്റെ സഹോദരനും ഈ ചിത്രത്തിലുണ്ട്.
മലയാളം, തമിഴ്, തെലുങ്ക്, ഹിന്ദി, കന്നഡ തുടങ്ങി വിവിധ ഭാഷകളില്‍ അഭിനയിച്ച് പ്രേക്ഷകശ്രദ്ധ നേടിയ നടിയാണ് പ്രിയാമണി. താരത്തിന്റെ 37-ാം ജന്മദിനമാണിന്ന്.
സ്‌കൂള്‍ പഠനകാലത്ത് തന്നെ മോഡല്‍ ആകാന്‍ അവസരം ലഭിച്ച പെണ്‍കുട്ടിയാണ് പ്രിയ വാസുദേവ് മണി അയ്യര്‍ എന്ന പ്രിയാമണി. കാഞ്ചീപുരം സില്‍ക്‌സ്, ഈറോഡ് സില്‍ക്‌സ്, ലക്ഷ്മി സില്‍ക്‌സ് എന്നിവയുടെ മോഡല്‍ ആയാണ് പ്രിയാമണി സിനിമാരംഗത്തേക്ക് കടന്നുവരുന്നത്.
