പിന്നീട് താരത്തിന്റെ ട്വീറ്ററിൽ മലയാളികളുടെ വക പൊങ്കാലയായിരുന്നു. മമ്മൂട്ടി ഫാൻസ് ആണ് ഇതിന് മുന്നിട്ടിറങ്ങിയത് എന്നതാണ് രസകരമായ കാഴ്ച. കെആര്‍കെയുടെ ഫെയ്സ്ബുക്ക്, ട്വിറ്റര്‍ അക്കൗണ്ടുകളില്‍ മോഹൻലാലിന്റെയും മമ്മൂട്ടിയുടെയും ആരാധകർ സൈബർ ആക്രമണം ആരംഭിച്ചു.
എന്നാൽ ഇതിലൊന്നും കുലുങ്ങുന്നവനല്ല താനെന്ന് വീണ്ടും വീണ്ടും ആവർത്തിച്ച് പറയുകയാണ് കെആര്‍കെ. മോഹൻലാലിനെതിരെ കൂടുതൽ പരിഹാസട്വീറ്റുമായി കെആർകെ വീണ്ടുമെത്തി. മോഹൻലാല്‍ ഭീമനാകരുതെന്നും ഈ ജോക്കർ ഭീമനെ അവതരിപ്പിച്ചാൽ അത് വലിയൊരു അപമാനമാകുമെന്നും കെആർകെ പറയുന്നു. ഇന്ത്യയിൽ ഭീമനെ അവതരിപ്പിക്കാൻ കഴിയുന്ന ഏക സൂപ്പർതാരം പ്രഭാസ് ആണെന്നും കെആർകെ പറഞ്ഞു.
മഹാഭാരതത്തിൽ ആരൊക്കെയാണ് അഭിനയിക്കേണ്ടതെന്നും കെ ആർ കെ പറയുന്നു. ഒരു ലിസ്റ്റ് തന്നെ താരം ഉണ്ടാക്കിയിട്ടുണ്ട്. ഭീമനായി പ്രഭാസ്, ദുര്യോധനൻ - റാണ ദഗുപതി, അർജുനൻ - ആമിർ ഖാൻ, കർണൻ - ഷാരൂഖ് ഖാൻ, അഭിമന്യു - റൺബീർ, ഏകലവ്യൻ - സൽമാൻ ഖാൻ, ദ്രൗപതി - ദീപിക പദുക്കോൺ. കെ ആർ കെയുടെ ഈ ട്വീറ്റിനും ആരാധകരുടെ പരിഹാസങ്ങളാണ് ലഭിക്കുന്നത്.
