ലേഡി സൂപ്പർസ്‌റ്റാർ നയൻസിന്റെ പ്രണയം ഏറെ വിവാദമായിരുന്നതാണ്. എന്നാൽ സംവിധായകൻ വിഘ്‌നേഷ് ശിവനും നയൻസും തമ്മിലുള്ള പ്രണയം ആരാധക ഹൃദയത്തെ വേദനപ്പെടുത്തിയിരുന്നു. ഇരുവരും സ്വകാര്യ ചടങ്ങുകളിൽ പങ്കെടുക്കാൻ തുടങ്ങിയതോടെയാണ് ആരാധകർക്ക് കാര്യം പിടികിട്ടിയത്. വിഘ്നേഷിന്റെ നാനും റൗഡി താൻ എന്ന ചിത്രത്തിൽ നായികാ വേഷത്തിലെത്തിയത് നയൻസ് ആയിരുന്നു.
തുടക്കത്തിൽ നല്ല സുഹൃത്തുക്കൾ മാത്രമാണെന്ന് ഇരുവരും പറഞ്ഞിരുന്നെങ്കിലും സോഷ്യൽ മീഡിയയിൽ വന്ന ഫോട്ടോകളും മറ്റുമാണ് ഇവർ പ്രണയത്തിലാണെന്ന സൂചന നൽകിയത്. നയൻസ് അഭിനയിക്കുന്ന ഏറ്റവും പുതിയ ചിത്രമായ 'കൊലമാവ് കോകില' എന്ന ചിത്രത്തിലെ പാട്ട് കഴിഞ്ഞ ദിവസം പുറത്തിറങ്ങിയിരുന്നു. പാട്ടിന് മികച്ച സ്വീകാര്യതയാണ് സമൂഹ്യ മാധ്യമങ്ങളിൽ ലഭിച്ചത്. എന്നാൽ പട്ടിന് ശേഷമുള്ള വിഘ്നേഷിന്റെ ഇൻസ്‌റ്റാഗ്രാം പോസ്‌റ്റാണ് ഇപ്പോൾ വൈറലായിക്കൊണ്ടിരിക്കുന്നത്.
