ഞാന്‍ മേരിക്കുട്ടി റിലീസായി രണ്ടാം ദിവസം അവന്‍ എത്തി - ഡെറിക് ഏബ്രഹാം. മമ്മൂട്ടി നായകനായ ‘അബ്രഹാമിന്‍റെ സന്തതികള്‍’ കേരളത്തിലെ സകല കളക്ഷന്‍ റെക്കോര്‍ഡുകളും ഭേദിക്കുകയാണ്. ഒപ്പം പ്രദര്‍ശിപ്പിക്കുന്ന മറ്റ് സിനിമകളെയെല്ലാം ബഹുദൂരം പിന്നിലാക്കിയാണ് മമ്മൂട്ടിച്ചിത്രം കുതിക്കുന്നത്. സ്വാഭാവികമായും ഞാന്‍ മേരിക്കുട്ടിയും അബ്രഹാം എന്ന കൊടുങ്കാറ്റില്‍ ആടിയുലയുന്നു.
അബ്രഹാമിന്‍റെ സന്തതികള്‍ പ്രദര്‍ശിപ്പിക്കുന്ന തിയേറ്ററുകളില്‍ ഓരോ ഷോയ്ക്കും ആയിരങ്ങളാണ് ടിക്കറ്റ് ലഭിക്കാതെ നിരാശരായി മടങ്ങുന്നത്. ഒരു ഷോയ്ക്ക് ടിക്കറ്റ് കിട്ടിയില്ലെങ്കില്‍ അടുത്ത ഷോയ്ക്കായി ജനങ്ങള്‍ മണിക്കൂറുകളോളം കാത്തുനില്‍ക്കുന്നതും സ്ഥിരം കാഴ്ചയായിരിക്കുന്നു. കൂടുതല്‍ സെന്‍ററുകളിലേക്ക് അബ്രഹാമിന്‍റെ സന്തതികള്‍ പ്രദര്‍ശനത്തിനെത്തുമ്പോള്‍ മലയാളക്കരയില്‍ ഇനി കുറച്ചുകാലത്തേക്ക് അബ്രഹാമിന്‍റെ സന്തതികള്‍ ഭരണമുറപ്പിക്കുകയാണ്.
