അതോടെ മാണിയുടെ ശത്രുപക്ഷത്ത് നില്‍ക്കുന്ന പി സി ജോര്‍ജ്ജിന് നിലപാട് സ്വീകരിക്കുക എന്നത് എളുപ്പമായി. ചെങ്ങന്നൂര്‍ ഉപതിരഞ്ഞെടുപ്പില്‍ ജനപക്ഷത്തിന്റെ പിന്തുണ എല്‍ ഡി എഫിനൊപ്പമെന്ന് ചെയര്‍മാന്‍ പി സി ജോര്‍ജ്ജ്. കേരള കോണ്‍ഗ്രസ് മാണി വിഭാഗം ചെങ്ങന്നൂരില്‍ എല്‍ ഡി എഫിനെ പിന്തുണയ്ക്കും എന്നാണ് പ്രതീക്ഷിച്ചിരുന്നത്. കോണ്‍ഗ്രസ്സുകാര്‍ ശത്രുക്കളാണ് എന്നായിരുന്നു നേരത്തേ കേരള കോണ്‍ഗ്രസ്സിന്‍റെ നിലപാട്. മാണി കാലുവാരിയാണെന്നും പി സി ജോര്‍ജ് കുറ്റപ്പെടുത്തി.
കഴിഞ്ഞ ദിവസം യു ഡി എഫ് നേതാക്കള്‍ വീട്ടിലെത്തി മാണിയുമായി ചര്‍ച്ച നടത്തിയതിന് പിന്നാലെയാണ് കേരള കോണ്‍ഗ്രസ് ചെങ്ങന്നൂരില്‍ യു ഡി എഫിനെ പിന്തുണയ്ക്കും എന്ന് മാണി നിലപാട് വ്യക്തമാക്കിയത്. അതേ സമയം, ചെങ്ങന്നൂരില്‍ പിന്തുണ മാത്രമാണ് നല്‍കുന്നത് എന്നും മുന്നണി പ്രവേശനം അജണ്ടയുടെ ഭാഗമായിട്ടില്ലെന്നും മാണി പറഞ്ഞു.
