പ്രതിപക്ഷനേതാവ് ഹിന്ദു സമുദായത്തില്‍ നിന്നായതിനാല്‍ കെ പി സി സി അധ്യക്ഷന്‍ ക്രിസ്ത്യന്‍ വിഭാഗത്തില്‍ നിന്നാകട്ടെ എന്ന നിലപാടാണ് ഹൈക്കമാന്‍ഡ് സ്വീകരിക്കുന്നത്. എ ഗ്രൂപ്പില്‍ നിന്ന് ബെന്നി ബെഹനാന്‍റെ പേര് അധ്യക്ഷസ്ഥാനത്തേക്ക് ഉമ്മന്‍‌ചാണ്ടി നിര്‍ദ്ദേശിച്ചിരുന്നെങ്കിലും ഹൈക്കമാന്‍ഡ് അംഗീകരിച്ചില്ല. കെ മുരളീധരന്‍റെ പെരും തള്ളിക്കളഞ്ഞു.
ഒടുവില്‍ കെ വി തോമസിനെ പിന്തുണയ്ക്കാന്‍ ഉമ്മന്‍‌ചാണ്ടിയും തയ്യാറായെന്നാണ് വിവരം. എന്നാല്‍ കെ പി സി സി അധ്യക്ഷപദം ലക്‍ഷ്യം വച്ച് കെ സി വേണുഗോപാലും പി സി ചാക്കോയും നീക്കം നടത്തുന്നുണ്ടെന്നും ചില മാധ്യമങ്ങള്‍ റിപ്പോര്‍ട്ടുചെയ്തു. ആരൊക്കെ ചരടുവലികള്‍ നടത്തിയാലും സോണിയാഗാന്ധിയോടും രാഹുല്‍ ഗാന്ധിയോടും ഏറെ അടുപ്പം പുലര്‍ത്തുന്ന കെ വി തോമസ് തന്നെ കെ പി സി സിയുടെ അമരത്തേക്ക് വരാനാണ് സാധ്യത. യു ഡി എഫ് കണ്‍‌വീനര്‍ സ്ഥാനത്തേക്കും പുതിയ ആളെ കണ്ടെത്താന്‍ ഹൈക്കമാന്‍ഡ് ആലോചിക്കുന്നതായാണ് വിവരം.
