മികച്ച അവസരങ്ങൾക്ക് വേണ്ടി രാജസ്ഥാനിൽ നിന്നും മുംബൈയിലെത്തിയതാണ് 20 കാരിയായ മാനസി ദീക്ഷിത്. പഠനത്തോടൊപ്പം തന്നെ മാനസി ഇവന്റ് മനേജിംഗ്, മോഡലിംഗ് ബിസിനസുകളും ചെയ്തിരുന്നു. സംഭവ ദിവസം 19കാരനായ മുസാമിൽ മാനസിയെ തന്റെ ഫ്ലാറ്റിലേക്ക് ക്ഷണിച്ചിരുന്നു. ഇവിടെവച്ച് ഇരുവരും തമ്മിൽ വാക്കേറ്റമുണ്ടാവുകയും ഇതിനിടെ ഭാരമുള്ള വസ്തു ഉപയോഗിച്ച് മുസാമിൽ മാനസിയെ കൊലപ്പെടുത്തുകയായിരുന്നു എന്നാണ് പൊലീസ് പറയുന്നത്.
കൊലപാതകത്തിനു ശേഷം മൃതദേഹം ട്രാവൽ ബാഗിലാക്കി. അതിനായി മൃതദേഹത്തിന്റെ കൈകളും കഴുത്തും കയറുകൊണ്ട് വലിച്ച് മുറുക്കിക്കെട്ടി. തുടർന്ന് മുംബൈ എയർ പോർട്ടിലേക്ക് ഓല ടാക്സി ബുക്ക് ചെയ്ത്. യാത്രക്കിടെ വിജനമായ സ്ഥലത്ത് കാർ നിർത്തിച്ച് മുസാമിൽ ടാക്സി പറഞ്ഞുവിടുകയും ബാഗ് അവിടെ ഉപേക്ഷിക്കുകയും ചെയ്തു. എന്നൽ പിന്നീട് ഓല ടാക്സി ഡ്രൈവർ അതുവഴിതന്നെ തിരികെ വന്നപ്പോൽ അതേ ബാഗ് റോഡരികിൽ കിടക്കുന്നത് കണ്ട് സംശയം തോന്നി പൊലീസിൽ വിവരമറിയിക്കുകയായിരുന്നു. പൊലീസ് എത്തി പരിശോധിച്ചതോടെയാണ് ബാഗിൽ മൃതദേഹമാണെന്ന് കണ്ടെത്തിയത്.
