അഞ്ചുപേരെ വെടിവച്ച് കൊലപ്പെടുത്തിയ ശേഷം അക്രമി ജീവനൊടുക്കി

കാലിഫോർണിയ: അഞ്ചുപേരെ വെടിവച്ച് കൊലപ്പെടുത്തിയ ശേഷം അക്രമി ജീവനൊടുക്കി. കലിഫോർണിയയിലെ ബക്കർഫീൽഡിലാണ് സംഭവം ഉണ്ടായത്. തന്റെ ഭര്യയെ ഉൾപ്പടെ അഞ്ച്പേരെ വെടിവച്ച് കൊലപ്പെടുത്തിയ ശേഷം ഇയാൾ സ്വയം വെടിയുതിർത്ത് മരിക്കുകയായിരുന്നു.

ബക്കർഫീൽഡിലെ ട്രക്കിംഗ് കമ്പനിയിൽ തന്റെ ഭര്യയുമായി എത്തിയായിരുന്നു അക്രമം. ഇവിടെവച്ച് ഭാര്യയെയും കമ്പനിയിലെ ഒരു ജീവനക്കാരനെയും ആദ്യം കൊലപ്പെടുത്തി. കമ്പനിയിൽ നിന്നും രക്ഷപ്പെടാൻ ശ്രമിക്കവെ ഇയാളെ പിന്തുടർന്നതിനു മറ്റൊരു ജീവനക്കാരനെയും കൊലപ്പെടുത്തുകയായിരുന്നു.

പിന്നീട് സ്വന്തം വീട്ടിലേക്ക് തിരിച്ചെത്തിയ അക്രമി വീട്ടിൽ‌വച്ച് രണ്ടുപേരെകൂടി കൊലപ്പെടുത്തി. ഇതോടെ വീട്ടിൽ നിന്നും രക്ഷപ്പെട്ട ഇയാൾ സ്വയം വെടിയുതിർത്ത് മരിക്കുകയായിരുന്നു. സംഭവത്തിൽ പൊലീസ് അന്വേഷണം നടത്തിവരികയാണ്. ഇയാൾക്ക് ഭീകരബന്ധം ഇല്ലെന്ന് പൊലീസ് വ്യക്തമാക്കിയിട്ടുണ്ട്.