തെലങ്കാന രാഷ്ട്രസമിതി പാര്‍ട്ടി നേതാവ് ഭാര്യയെ മര്‍ദ്ദിക്കുന്ന വീഡിയോ വൈറല്‍. ടിആര്‍‌എസ് നേതാവ് ശ്രീനിവാസ റെഡ്ഡിയുടെ വീഡിയോയാണ് വൈറലയായിരിക്കുന്നത്. നാലു വര്‍ഷം മുന്‍പാണ് ശ്രീനിവാസ റെഡ്ഡി സംഗീതയെ വിവാഹം കഴിക്കുന്നത്. ഇവര്‍ക്ക് ഒരു പെണ്‍കുഞ്ഞ് പിറന്നതോടെ റെഡ്ഡിക്ക് സംഗീതയോടുള്ള സമീപനത്തില്‍ മാറ്റം വന്നു.
ഇതിനിടയില്‍ വിവാഹ മോചനം പോലും നേടാതെ റെഡ്ഡി മറ്റൊരു സ്ത്രീയെ വിവാഹം ചെയ്തു. ഇതറിഞ്ഞ് വീട്ടുകാരെ കൂട്ടി റെഡ്ഡിയുടെ വസതിയിലെത്തിയ സംഗീതയെ റെഡ്ഡി തള്ളിയിടുകയും മുടിയില്‍ പിടിച്ചു വലിക്കുകയും ചെയ്തു. സംഭവത്തിന്റെ വീഡിയോ നിമിഷങ്ങള്‍ക്കകം സോഷ്യല്‍ മീഡിയയില്‍ വൈറലാകുകയും പൊലീസ് റെഡ്ഡിയ്ക്കെതിരെ കേസെടുക്കുകയും ചെയ്തു.
