ബാറ്റിങിൽ ബട്ട്‌ലറും,ദേവ്‌ദത്ത് പടിക്കലും,ഹെറ്റ്‌മയറും അടങ്ങുന്ന നിര. എന്നാൽ എത്ര മികച്ച താരങ്ങൾ ഉണ്ടായാലും ഒരു ടീം എന്ന നിലയിൽ വർക്ക് ചെയ്യണമെങ്കിൽ 11 താരങ്ങളും ഒരേ ലക്ഷ്യത്തിനായി ഒരു ടീമായി പ്രവർത്തിക്കേണ്ടതുണ്ട്. മികച്ച താരങ്ങളുടെ നിര എന്നതിൽ നിന്നും മികച്ച ഒരു ടീമാക്കി രാജസ്ഥാനെ മാറ്റാനായി എന്നതാണ് ഐപിഎല്ലിലെ സഞ്ജു ബ്രാൻഡ്.
നിലവിൽ ലിമിറ്റഡ് ഓവർ ക്രിക്കറ്റിലെ ഇതിഹാസതാരമായ ജോസ് ബട്ട്‌ലറെ പോലൊരു താരത്തെ പോലും കംഫർട്ട് സോണിലാക്കാൻ സഞ്ജുവെന്ന നായകന് കഴിയുന്നുണ്ട്. ഇന്നലെ ടീമിനൊപ്പം ചേർന്ന ഡാരൻ മിച്ചൽ മുതൽ അശ്വിൻ,യു‌സ്‌വേന്ദ്ര ചഹൽ പോലുള്ള താരങ്ങൾ വരെ സഞ്ജുവിന് കീഴിൽ ഒരേ താളത്തിൽ കളിക്കുമ്പോൾ നമുക്ക് ഒന്നുറപ്പിക്കാം. ഇതാണ് ഐപിഎല്ലിൽ സഞ്ജു മുന്നോട്ട് വെയ്ക്കുന്ന ബ്രാൻഡ്, ഇന്ത്യൻ ക്രിക്കറ്റിൻറ്റെ സഞ്ജു ബ്രാൻഡ്.
