'എനിക്ക് എന്നോട് തന്നെ വിശ്വസ്തതയും സത്യസന്ധതയും പുലര്‍ത്തിയാല്‍ മതി. ഗ്രൗണ്ടില്‍ എങ്ങനെ കളിക്കണമെന്ന് തീരുമാനിക്കാനുള്ള അവകാശം എനിക്കുണ്ട്. മറ്റുള്ളവര്‍ക്ക് എന്നെ വിധിക്കാന്‍ പറ്റില്ല. ഞാന്‍ എന്റേതായ രീതിയില്‍ കളിക്കും. നമ്മള്‍ എങ്ങനെ കളിക്കണമെന്ന് തീരുമാനിക്കേണ്ടത് നമ്മള്‍ തന്നെയാണ്. ഏതെങ്കിലും നിയമങ്ങളെ ചോദ്യം ചെയ്യാനൊന്നും ഞാന്‍ ആഗ്രഹിക്കുന്നില്ല. ഇത് എന്റെ ജീവിതമാണ്. മറ്റുള്ളവരുടെ ഇഷ്ടങ്ങളും താല്‍പര്യങ്ങളും നോക്കി ജീവിക്കേണ്ട കാര്യം നമുക്കില്ല. ഞാന്‍ എന്തെങ്കിലും നശിപ്പിക്കുകയോ മോഷ്ടിക്കുകയോ കള്ളം പറയുകയോ ചെയ്തിട്ടില്ല. ഞാന്‍ എന്റെ ജോലി ചെയ്യുന്നു,' അശ്വിന്‍ പറഞ്ഞു.
