സൂപ്പര്‍ ഓവറില്‍ ഒരു ബൗണ്ടറി സഹിതം 11 റണ്‍സ് മാത്രമാണ് യുഎസ് നേടിയത്. ബാക്കി ഏഴ് റണ്‍സുകള്‍ വന്നത് പാക് താരങ്ങളുടെ പിഴവില്‍ നിന്നായിരുന്നു. ഓവറില്‍ 3 വൈഡുകളാണ് ആമിര്‍ എറിഞ്ഞത്. ഈ ബോളുകളില്‍ 2 സിംഗിളും ഒരു ഡബിളും ഓടിയെടുക്കാന്‍ യുഎസ് താരങ്ങള്‍ക്കായി. പാകിസ്ഥാന്റെ മോശം കീപ്പിംഗ്, ഫീല്‍ഡിംഗ് പ്രകടനങ്ങളും ഒപ്പം ആമിറിന്റെ മോശം ബൗളിംഗുമാണ് ഈ റണ്‍സ് യുഎസിന് സമ്മാനമായി നല്‍കിയത്. 7 എക്സ്ട്രാ റണ്‍സുകളോടെ വിജയം തന്നെ പാകിസ്ഥാന്‍ യുഎസിന് തളികയില്‍ കൊണ്ട് നല്‍കുകയായിരുന്നു. ഇത്ര പ്രൊഫഷണലായി തോല്‍ക്കാന്‍ പാകിസ്ഥാനല്ലാതെ ഒരു ടീമിനും സാധിച്ചെന്ന് വരില്ല.
