ഓസ്ട്രേലിയൻ പര്യടനത്തിനുള്ള ഇന്ത്യൻ ടീമിനെ ഈയാഴ്‌ച പ്രഖ്യാപിക്കും: അക്‌സർ പട്ടേലിന് സാധ്യത

ഓസ്ട്രേലിയൻ പര്യടനത്തിനുള്ള ഇന്ത്യൻ സംഘത്തിനെ ഈയാഴ്‌ച തന്നെ പ്രഖ്യാപിചേക്കുമെന്ന് റിപ്പോർട്ട്. ഔദ്യോഗിക പ്രഖ്യാപനം ഇതുവരെ എത്തിയിട്ടില്ലെങ്കിലും ഐപിഎല്ലിന് പിന്നാലെ ഇന്ത്യൻ ടീം ഓസ്ട്രേലിയയിലേക്ക് പോകുമെന്നാണ് സൂചന.

3 ഫോർമാറ്റിലുമായി രണ്ട് മാസത്തോള നീണ്ടുനിൽക്കുന്ന പര്യടനമായിരിക്കും ഇന്ത്യയുടേത്. ഏകദിന, ടി20 മത്സരങ്ങൾക്കൊടുവിലാണ് ടെസ്റ്റ് പരമ്പര. അതേസമയം ഐപിഎല്ലിനിടെ പരിക്കേറ്റ ഇന്ത്യൻ താരങ്ങളുടെ പരിക്ക് ടീമിനെ അലട്ടുന്നുണ്ട്.ജസ്‌പ്രീത് ബു‌മ്ര, മുഹമ്മദ് ഷമി എന്നിവർ തങ്ങളുടെ സ്ഥാനം ഉറപ്പിച്ചു കഴിഞ്ഞു. എന്നാൽ ഇഷാന്ത് ശർമയും ഭവനേശ്വർ കുമാറും കളിക്കുമോ എന്ന കര്യത്തിൽ വ്യക്തതയില്ല. അതേസമയം സ്പിന്നർമാരിൽ ഒരാളായി അക്സർ പട്ടേലിനെ പരിഗണിക്കുന്നുവെന്നാണ് റിപ്പോർട്ട്.