കമല്‍ഹാസന്റെയും ചിമ്പുവിന്റെയും കിടിലന്‍ ആക്ഷന്‍ രംഗങ്ങള്‍ സിനിമയിലുണ്ടാകുമെന്ന് ഉറപ്പ് നല്‍കുന്നതാണ് സിനിമയുടെ ടീസര്‍. ഗ്യാങ്ങ്സ്റ്റര്‍ ഡ്രാമയാണ് സിനിമയെന്നാണ് ലഭ്യമാവുന്ന സൂചന.ചിമ്പുവിന്റെയും കമല്‍ ഹാസന്റെയും മാത്രം രംഗങ്ങള്‍ ഉള്‍പ്പെടുത്തിയിട്ടുള്ള ടീസറാണ് പുറത്തുവന്നിരിക്കുന്നത്. ഇവര്‍ക്ക് പുറമെ അശോക് സെല്‍വന്‍, ഐശ്വര്യ ലക്ഷ്മി,ജോജു ജോര്‍ജ്,അഭിരാമി, നാസര്‍ തുടങ്ങി ശക്തമായ താരനിര തന്നെ സിനിമയിലുണ്ട്. നേരത്തെ സിലമ്പരസന്‍, അശോക് സെല്‍വന്‍ എന്നിവരുടെ റോളുകളിലേക്ക് ദുല്‍ഖര്‍ സല്‍മാന്‍, ജയം രവി എന്നിവരെയായിരുന്നു മണിരത്‌നം തീരുമാനിച്ചിരുന്നത്. എന്നാല്‍ സിനിമയുടെ ഷൂട്ടിംഗ് നീണ്ടതോടെയാണ് ഇവര്‍ക്ക് അവസരം നഷ്ടമായത്.
