മൊയ്തീനും കാഞ്ചനമാലയും വീണ്ടും ഒന്നിക്കുന്നു, മറ്റൊരു പ്രണയകാവ്യത്തിനായ്!

എന്നു നിന്റെ മൊയ്തീൻ എന്ന പ്രണയ ചിത്രത്തിന് ശേഷം പൃഥ്വിരാജും പാർവതിയും വീണ്ടും ഒന്നിക്കുന്നു. മൈ സ്റ്റോറി എന്ന് പേരിട്ടിരിക്കുന്ന ചിത്രത്തിന്റെ പോസ്റ്റർ പുറത്തുവിട്ടു. റോഷ്നി ദിനകര്‍ അവതരിപ്പിക്കുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് ശങ്കർ രാമകൃഷ്ണൻ ആണ്.

മൊയ്തീൻ - കാഞ്ചനമാല പ്രണയകാവ്യത്തിനു ശേഷം പൃഥ്വിരാജും പാർവതിയും ഒന്നിക്കുന്ന ഈ ചിത്രത്തിൽ ജെയ് എന്ന കഥാപാത്രത്തെ പൃഥ്വിയും താര എന്ന കഥാപാത്രത്തെ പാർവതിയും അവതരിപ്പിക്കുന്നു.

ഇരുവരുടെയും ഈ കൂട്ടുകെട്ട് മറ്റൊരു പ്രണയകാവ്യത്തിനാണെന്ന കാര്യത്തിൽ സംശയമില്ലെന്നാണ് വാർത്തകൾ. ചിത്രത്തെക്കുറിച്ച് കൂടുതൽ വിവരങ്ങൾ പുറത്തുവിട്ടിട്ടില്ല.