ലോക്ക് ഡൗണിന് ശേഷം നടി പാർവതി തിരുവോത്തിന്റെ രണ്ട് ചിത്രങ്ങളാണ് ഒരേ സമയത്ത് റിലീസിനെത്തുന്നത്. സിദ്ധാർത്ഥ ശിവ സംവിധാനം ചെയ്യുന്ന വർത്തമാനം ഫെബ്രുവരി 26ന് റിലീസ് ചെയ്യും. ബിജു മേനോൻ-പാർവതി തിരുവോത്ത് ചിത്രവും ഇതേ സമയത്ത് തിയറ്ററുകളിൽ എത്തുമെന്നാണ് റിപ്പോർട്ട്. ഫെബ്രുവരി ആദ്യം റിലീസ് ചെയ്യുമെന്നാണ് പുതിയ വിവരം. സനു ജോണ്‍ വര്‍ഗീസ് സംവിധാനം ചെയ്യുന്ന ഈ സിനിമയില്‍ ഷറഫുദ്ദീനും സൈജു കുറുപ്പും ആര്യ സലീമും പ്രധാന വേഷങ്ങളിൽ എത്തുന്നുണ്ട്.
അതേസമയം വർത്തമാനം എന്ന ചിത്രത്തിൽ കേരളത്തിൽനിന്ന് വിദ്യാഭ്യാസത്തിനായി ഡൽഹിയിലേക്ക് എത്തുന്ന ഫാസിയ സൂഫിയ എന്ന കഥാപാത്രത്തെയാണ് പാർവതി അവതരിപ്പിക്കുന്നത്. റോഷന്‍ മാത്യു, സിദ്ദിക്ക്, നിര്‍മ്മല്‍ പാലാഴി എന്നിവരാണ് മറ്റു പ്രധാനവേഷങ്ങളിൽ എത്തുന്നത്.
