കഴിഞ്ഞ ദിവസം പ്രമുഖ സിനിമാ നടി ക്രൂരമായി ആക്രമിക്കപ്പെട്ടിട്ടും മലയാള സിനിമയിലെ സൂപ്പര്‍ സ്റ്റാറുകള്‍ ആരും ഒരു പ്രതികരണവും നടത്തിയിരുന്നില്ല. എന്തായാലും ആ ചീത്തപ്പേര് മാറ്റി ആദ്യം മോഹന്‍ലാല്‍ രംഗത്തെത്തി. തന്റെ ഫേസ്‌ബുക്ക് പേജിലൂടെയാണ് സിനിമ നടിയ്ക്ക് നേരിടേണ്ടി വന്ന ദുരന്തത്തെ കുറിച്ച് മോഹന്‍ലാല്‍ പ്രതികരിച്ചിരിക്കുന്നത്. ഒരു സ്ത്രീയുടെ നേര്‍ക്ക് നടന്ന ഏറ്റവും ദൗര്‍ഭാഗ്യകരമായ സംഭവം എന്ന് പറഞ്ഞുകൊണ്ടാണ് മോഹന്‍ലാലിന്റെ പോസ്റ്റ് ആരംഭിക്കുന്നത്.
